Benqueridos amig@s, esta mañá tivo lugar na nosa tenda a entrega de premios do Concurso de Novas Ideas Empresariais Compostela Activa 2009, no que a nosa tenda resultara premiada dentro da categoría de "Comercio Turismo". Xosé Manuel Iglesias, concelleiro de Promoción económica, xunto con Fernando e Ánxela, tamén da Concellería, foron os encargados de facer entrega dunhas fermosas figuras de Sargadelos. As outras empresas que resultaron galardoadas polos seus proxectos foron:
Itíneris Consulting (Empresa de consultoría), Cultureka(Servizos en turismo, eventos e comunicación), Abastos 2.0 (Espazo gastronómico moi singular sito na Praza de Abastos), Mamá Egue (Tenda de Artesanía Africana na Algalia) e NIX VFX Factory (Especializada en Animación 3D e efectos visuais).
Para nos foi todo un honor ofrecer o noso espazo para a realización deste evento.
Se queredes obter mais información só tedes que ver as novas de hoxe en Correo TV (ás 20, 21 e ás 23) ou ler o xornal A Voz de Galicia de mañá.